Bursë islamike në Londër
29/10/2013 15:50
I dënuar për vrasje në Angli, shqiptari mbledh nga burgu mbi 100 mijë euro, zbulohet përse do t’i përdorë 26/11 09:46
Kryeministri i Britanisë së Madhe, David Cameron, pritet të shpallë gjatë së martës vendimin e qeverisë për ngritjen e bursës së parë islamike në një vend jo-musliman.
Sipas “BBC”, deklarata e Cameron do të realizohet gjatë Forumit Ekonomik Islamik Botëror që po zhvillohet në Londër.
Bursa Islamike do të jetë një degë nën mbikqyrjen e Bursës së Londrës.
Gjithashtu, Britania do të shndërrohet në vendin e parë jo-musliman që do të lëshojë bono thesari islamike.
Pritet që kjo lëvizje të kontribuojë për përthithjen e më shumë investimeve nga vendet arabe.
Në bazë të ligjit islamik, bankat nuk mund të kërkojnë interesa për kreditë apo planet e biznesit të financuara prej tyre.
Mënyra se si këto banka bëjnë fitimet e tyre është nënpërmjet bashkëpronësisë në formë aksionesh dhe ndarjes së fitimit në sipërmarrjet e ngritura.
Transaksionet gjithashtu kushtëzohen nga lloji i aktivitetit të biznesit, me kompanitë e pijeve alkoolike, basteve apo kazinotë që përjashtohen nga financimi pasi janë të ndaluara nga sheriati.
Top Channel
