BE, industria i rikthehet rritjes

Sipas studimit të agjencisë Markit, të dhënat për korrikun ishin mbi kuotën 48.7 për qind që u regjistrua në qershor, duke shënuar kështu rritjen e radhës në 18 muajt e fundit. Eurozona është prekur nga reçesioni që prej fundit të vitit 2011.

“Treguesi pozitiv për periudhën prej 1 vit e gjysmë përbën një provë inkurajuese se zona e euros më në fund mund të dalë nga reçesioni në tremujorin e katërt të vitit”, ka deklaruar Chris Williamson, ekonomist i agjencisë Markit.

Ai vlerëson gjithashtu se rigjallërimi i ekonomisë po udhëhiqet nga prodhimi në masë të gjerë i manifakturës dhe nga shenjat e stabilizimit të sektorit të shërbimeve.

Por nga ana tjetër ai paralajmëron se kuotat e punësimit vazhdojnë të bien, pavarësisht se me ritme më të ulëta se më herët gjatë vitit.

Mbikëqyrja e agjencisë Markit tregon gjithashtu se sektori i manifakturës arriti rritjen më të lartë të të ardhurave që prej qershorit 2011 dhe vazhdimin e rritjes për herë të parë që prej shkurtit të vitit 2012.

Ndërsa aktivitetet e sektorit të shërbimeve ranë, por rënia në fjalë ishte më e ulëta në 18 muajt e fundit dhe Markit thotë se të dhënat tregojnë shenja stabilizimi në muajt e fundit.

Top Channel