Pakistani është zotuar të mbështesë përpjekjet për paqe në Afganistan
duke shfrytëzuar kontaktet dhe ndikimin e tij në radhët e talebaneve.
Por gjatë vizitës se nje dite me pare ne Kabul, shefi i ri i diplomacise pakistaneze i mohoi zerat se vendi i tij synon shpërbërjen e Afganistanit, apo një rol në qeverisje për mbeshtetesit e regjimit te permbysur pas largimit të forcave ndërkombëtare. I se njejtes linje qendrimi ishte Sartaj Aziz, keshilltari i kryeministrit Nawaz Sharif per sigurine kombetare dhe politiken e jashtme.
“Nje Afganistan i bashkuar, i stabilizuar e paqesor eshte ne interesin e Pakistanit, sepse po nuk pati paqe e sigurise ne Afganistan, nuk mund te kete as tek ne. Sic e kam thene edhe me heret, i kemi disa kontakte me talebanet, por nuk eshte se i kontrollojme ata njerez”, thotë Sartaj Aziz, keshilltar i kryeministrit pakistanez.
Aziz theksoi se Islamabadi kerkon uljen e tensioneve mes dy vendeve dhe riperteritjen e perpjekeve te paqes mes përfaqësuesve afganë dhe talebaneve.
Këshilltari e zhvilloi vizitën vetëm pak kohe pasi keta te fundit celen një zyrë të re politike në Doha, veprim i pasuar menjehere nga nje rrebesh kritikash te presidentit afgan Hamid Karazi. Zyra konsiderohet pjese e tentativave per t’i angazhuar talebanet në procesin e paqes dhe ripajtimit para se forcat ndërkombëtare të largohen nga Afganistani. Por Karzai i akuzoi hapur Shtetet e Bashkuara dhe Pakistanin fqinj se po i lejojne militantet te krijojne një Qeveri në mërgim dhe nuk pranoi të dërgonte negociatorë paqeje në Katar.
Top Channel
