Itali, ministri i Brendshëm i mbijeton votëbesimit
19/07/2013 15:15
Armëpushimi Hamas-Izrael, qindra mijëra palestinezë kthehen në pjesën veriore të Gazës 27/01 17:37
Ministri i Brendshëm i Italisë, Angelino Alfano, i mbijetoi një votëbesimi në Senat, pas një skandali të lindur nga ekstradimi i paligjshëm i një disidenti kazak në vendin e tij.
Votëbesimi kundër ministrit rrezikoi qeverinë e koalicionit të gjerë të kryesuar nga Enrico Letta.
Mocioni i opozitës kundër Alfanos u rrëzua me 226 vota kundër dhe 55 pro.
Dyshohet se ekstradimi u realizua si një “favor personal” ndaj udhëheqësve të Kazakistanit, një vend i pasur me naftë, i kritikuar gjerësisht për mosrespektimin e të drejtave të njeriut.
Mediat italiane e akuzuan ministrin se u takua me disa zyrtarë kazakë, pak ditë përpara se të lejohej ekstradimi.
I ekstraduari, oligarku Mukhtar Ablyazov kishte kërkuar mbrojtje në Itali pasi konsiderohej si një kundërshtar i qeverisë kazake.
Megjithatë, së bashku me familjen ai u rikthye në Kazakistan, ku fati i tij mbetet i panjohur.
Top Channel
