Putin: SHBA bllokuan Snowden

“Ai erdhi në vendin tonë pa asnjë ftesë. Ne s’ishim destinacioni i tij i fundit, por në momentin që ishte në fluturim, partnerët tanë amerikanë bllokuan të gjithë dokumentacionin e tij. Ata kanë ndikuar tek vendet e tjera dhe tani askush nuk e dëshiron Snowden. Në fakt, ata vetë e bllokuan atë në territorin tonë”, tha Putin.

Snowden kërkohet nga Uashingtoni për rrjedhjen e informacioneve sekrete. Putin tha se Snowden do të ishte larguar me mundësinë e parë nga Rusia, nëse do të mund të bënte dicka të tillë.

Ish-kontraktorit të shërbimeve inteligjente të Shteteve të Bashkuara, i është ofruar azil në disa vende në Amerikën Latine, por mungesa e dokumentacioneve të nevojshme, e pengojnë atë që të kalojë zonën tranzitore në aeroportin e Moskës.

Presidenti Putin refuzoi dorëzimin e Snowden tek autoritetet amerikane, ndërsa deklaroi se ai mund të qendrojë në Rusi, vetëm nëse ndalon së publikuari informacionet sekrete të SHBA.

Kreu u Kremlinit tha se ka shenja “për një ndryshim qendrimi të Snowden”, megjithëse dëshira e tij nuk është qendrimi në Rusi, por një tjetër vend.

Top Channel