Bota

Kabul, sulmohet pallati presidencial

25/06/2013 00:00

Një grup agresorësh sulmuan hyrjen e pallatit mbretëror në Kabul, në orët e para të mëngjesit të së martës, bëri të ditur stafi i brendshëm për CNN.

Anëtari i stafit raportoi për shpërthime dhe të shtëna armësh. Pallati gjendet në distriktin Shash Darak të Kabulit, i cili është pranë Ambasadës amerikane dhe zyrave qendrore të ISAF.

“Jemi duke monitoruar situatën momentalisht”, tha Ëill Griffin, një zëdhënës i ISAF. “Kemi dëgjuar shpërthime dhe të shtëna me armë të lehta. Kemi marrë masat e duhura për të siguruar sigurinë e personelit të ISAF dhe partnerët e tyre”.

Lajmi u bë i ditur nga disa mesazhe në Tëitter nga llogaria e medias zyrtare të ISAF, të cilat tregonin mbi seriozitetin e situatës.

“Kampi i mbyllur në selinë e ISAF, shpërthime në zonë”, thuhej në postimin e parë, ndërsa në të dytin lexohej “Të shtënat dhe tymrat alarmuan Ambasadën amerikane në Kabul”.

Vetëm 1 javë pasi koalicioni ndërkombëtar lëshoi sigurinë në duart e forcave afgane, këto sulme duken si një test i hershëm për ta dhe aftësinë e tyre për të ruajtur rendin e qetësinë.

Ndërkohë, më pas erdhi dhe njoftimi nga kreu i policisë afgane, se agresorët janë vrarë dhe sulmi ka përfunduar pa probleme për palët e kërcënuara.

Top Channel