Iran, përfundon fushata, sot presidencialet
14/06/2013 03:00
Aeroporti i Dubait i dëmtuar pas sulmit me raketa të Iranit, 4 anëtarë të stafit të plagosur 28/02 23:57
Tubimet kanë përfunduar, studentët janë dërguar në shtëpi dhe njerëzit në Teheran po përgatiten të përballin një tjetër ditë të nxehti përvëlues dhe trafiku të papërballueshëm, për të zgjedhur presidentin e ri të vendit, mes 6 kandidatëve, ditën e premte.
Pavarësisht pohimit të disa rezidentëve, se nuk ka rëndësi kush fiton, pasi të gjithë kandidatët janë verifikuar nga Lideri Suprem, Ajatollahu Ali Khamenei, dhe priten të vazhdojnë me politikën anti-perëndimore të gjithë periudhës së tij, që kur erdhi në pushtet më 1989, një ndjenjë kënaqësie është theksuar në Teheran.
Një pjesë e sensit të lumturisë mund të mos ketë të bëjë me politikën, përkundrazi, ajo mund të ketë lindur për shkak se shumë rezidentë e kanë nisur fundjavën që nga pasditja e së enjtes. Që nga pasditja, pazaret e vizituara nga CNN u dyndën nga njerëzit.
Por, kjo nuk mund të shpjegojë prezencën, gjatë ditëve të fundit, të mijëra personave, disa prej të cilëve të joshur nga ëmbëlsirat e dhuruara nga organizatorët, në tubimet e kandidatëve të ndryshëm.
Të enjten, shumë prej tyre shprehën pikëpamjet e tyre, përfshi ankesat, për reporterët e CNN, teksa agjentët e sigurimit të qeverisë ndiheshin gjithnjë pranë.
Top Channel
