Drejtori i NSA: Eliminuam terrorizmin!

Gjenerali i Ushtrisë, Keith Alexander, dha llogaritë më të detajuara deri tani, nga një zyrtar i qeverisë, mbi programin me të cilin agjencia mbledh rekorde telefonatash, të cilat më pas mund të aksesohen me lejen e Gjykatës Federale, për të hetuar terroristët e dyshuar.

Qëllimi i programit sekret, i cili përfshin potencialisht rekorde telefonatash nga çdo amerikan, ndezi një stuhi politike, kur detajet rrodhën me anë të publikimit të një dokumenti të rrjedhur. Të tjera dokumente zbuluan programe të tjera sekrete, të cilat mbledhin aktivitete në kompjuter dhe informacione të tjera.

Kritikë të djathtë e të majtë akuzuan qeverinë se po shkon edhe përtej mundësive të synuara nga Akti Patriotik i miratuar pas sulmeve terroriste të 11 shtatorit 2001, ndaj Shteteve të Bashkuara.

I pyetur nga senatorë nga të dyja partitë, gjatë seancës dëgjimore mbi çështje më të gjera kibernetike, Alexander doli në mbrojtje të programeve, duke i përshkruar sulmet si tepër kritike ndaj përpjekjeve anti-terroriste.

“Mendoj se po bëjmë gjithçka të drejtë për të mbrojtur popullin amerikan këtu”, tha ai. “Agjencia jonë ka marrë lavdërime të shumta për mbrojtjen e këtij kombi dhe të të drejtave të civilëve tanë, por edhe privatësinë e tyre, pasi e bëjmë këtë gjë në partneritet me këtë komitet, këtë Kongres dhe me gjykatat”.

Top Channel