Lidhjet e internetit anembanë Sirisë janë shkëputur gjatë natës së të martës, bëjnë të ditur disa uebsajte globale monitorimi.
Google raportoi se shërbimet e saj u bënë të paaksesueshme në Siri rreth 21:45 me orën lokale, ashtu siç raportuan edhe “The Renesys”, “Akamai” dhe “BGPmon”.
“Duket se Siria është zhdukur gjerësisht nga interneti”, tha Dan Hubbard, shef teknologjie për “Umbrella Security Labs”.
Edhe faqja e internetit të agjencisë shtetërore të lajmeve në Siri dhe disa faqe të tjera qeveritare nuk mund të hapeshin.
Stafi i CNN në Damask nuk mund të lidhet përmes internetit. Në një hotel, stafi tha se interneti u ndërpre “në hotel dhe në gjithë Damaskun”.
Aktivistë opozitarë raportuan për ndërprerje të energjisë dhe të internetit në Damask por edhe në gjithë vendin, duke paralajmëruar se ndërprerja e rrugëve të komunikimit mund të jetë një sinjal kërcënues.
Komiteti për Koordinimin Lokal, opozitar në Siri, tha se rrjetet e aktivistëve duhet të vendosin “të gjithë përgjegjësinë ndaj forcave të regjimit për dhunën apo masakrat ndaj civilëve”. Shkaku i kësaj ndërprerjeje është ende i paqartë.
“Edhe pse nuk mund të komentojmë ende se çfarë e shkaktoi këtë ndërprerje, incidentet në të kaluarën janë lidhur me urdhrat qeveritare për ndërprerje dhe shkatërrime të infrastrukturës, që përfshin edhe ndërprerjet e energjisë apo prerjen e lidhjeve me fibra” tha Hubbard.
Top Channel
