PS: Berisha dështoi me arsimin

Kandidatja per deputetet, Mimoza Hafizi tha se gjate ketyre 8 viteve te qeverisjes, Berisha ka shfrytezuar per propogande institucionet arsimore dhe duke sajuar inagurime shkollash, ku ka perdorur te miturit per dekor dhe i ka detyruar ata te marin pjese ne mitingjet e Partise Demokratike.

“Nxënësit dhe mësuesit vihen në rresht dhe detyrohen të marrin pjesë në aktivitete politike apo të shkojnë në mitingjet e partisë familjare të Sali Berishës. Kjo sjellje diktatoriale shkon edhe më tej, duke i anëtarësuar mësuesit kolektivisht në PD, me detyrim e përcaktim për të ruajtur vendin e punës.Mësues e punonjës të drejtorive arsimore nëpër rrethe kanë plotësuar listat e anëtarësimeve të reja në radhët e Partisë Demokratike. Kjo ka ndodhur në Durrës, Fier, Elbasan, Shkodër apo Korçë.’T’ua dimë adresat studentëve, të dimë se ku do të jenë ata në datën 23 qershor’, – i tha kryetari i një partie pedagogëve të paguar nga taksat dhe me lekët e familjeve shqiptare. S’pati kurrfarë hezitimi të shpalosë përpara telekamerave format që duhej të ndiqnin pedagogët për të ndikuar tek vota e studentëve të tyre.Sali Berisha e ka shndërruar shkollën, universitetin shqiptar në një instrument elektoral nëpërmjet politizimit të dhunshëm të hapësirave të dijes”, tha Hafizi.

Top Channel