Obama, tjetër arrestim për letrat me helm

Everett Dutschke është ndaluar në shtëpinë e tij në lokalitetin Tupelo, rreth orës 01:00 me orën lokale, rreth 08:00 me tonën, nga sherifët federalë.

Sipas njoftimeve të autoriteteve amerikane, shtëpia dhe zyra e punës e personit në fjalë ishin kontrolluar më herët nga agjentët.

Dyshohet se ai ka lidhje me një person ndaj të cilit më parë janë ngritur akuza të ngjashme, për dërgimin e letrës me helm edhe ndaj një gjyqtari e një senatori.

Ricin, lënda e vendosur në letrat e dërguara, është një proteinë natyrale që gjendet në bimbët e vajit të kastorit dhe që është tej mase toksike. Ajo është 6 mijë herë më helmuese se cianuri.

Më herët gjatë muajit, shërbimet e sigurisë të presidentit amerikan zbuluan substancën e dyshimtë në një letër që i ishte adresuar shefit të Shtëpisë së Bardhë.

Shërbimet sekrete thanë se letra me substancë të dyshimtë u gjet në një kuti postare ku Shtëpia e Bardhë tërheq letrat. FBI njoftoi se në testimet e para për të rënë në gjurmët e substancës ishte gjetur përqindje e lartë e ricinit.

Letra kishte mbërritur ditën e martë më 16 prill, në të njëjtën ditë kur u zbulua edhe letra me përmbajtje toksike drejtuar senatorit Roger Wicker.

Top Channel