Shpërthimi në Teksas, kërkime në rrënoja
19/04/2013 08:35
Kryeministri gjeorgjian pezullon bisedimet e anëtarësimit në BE deri në fund të vitit 2028 28/11 22:56
Shërbimet e emergjencës në SHBA janë duke kërkuar për të mbijetuar në rrënojat e një fabrike të prodhimit të plehrave kimike në shtetin e Teksasit, pas një shpërthimi, të pasuar nga flakë gjigante që i kushtuan jetën midis 5-15 personave ditën e enjte.
Më shumë se 160 persona mbetën të plagosur dhe dhjetëra ndërtesa u shkatërruan në qytezën e Uestit, pranë Uakos.
3-4 zjarrëfikës vullnetarë figurojnë midis të humburve pas shpërthimit, i cili prodhoi lëkundje të barazvlefshme me ato të shkaktuara ngë një tërmet i vogël.
Besohet se në zanafillën e tragjedisë ishte amoniku, një lëndë kimike e përdorur gjerësisht në plehrat kimike dhe me veti të larta shpërthyese.
Për momentin, nuk ka të dhëna nëse bëhet fjalë për një incident industrial apo ndonjë arsye tjetër, por autoritetet po e trajtojnë vendin e ngjarjes si skenë krimi, teksa paralajmërojnë se bilanci njerëzor i tragjedisë mund të përkeqësohet në orët e ardhshme.
Ne vijim te kesaj tragjedie, presidenti Obama i ofroi Teksasit ndihme federale per kerkimet dhe rindertimin.
Top Channel
