Hollande: Pa rritje s’ulet defiçiti

Presidenti gjithashtu ka këmbëngulur në nevojën për ripërtëritjen e besimit tek qytetarët, që sipas tij është një element jetik,  ndërkohë që ka kritikuar reagimet e shteteve të ndryshme ndaj krizës.

“Mënyra e reagimit të shteteve të ndryshme ka qenë shumë e ngadaltë, shumë e rëndë dhe nuk është më e përshtatshme për funksionimin ekonomik”, ka thënë Hollande.

“Ky nuk është më një problem francez, por një problem evropian”, ka shtuar shefi i pallatit Elize gjatë fjalës së tij në punimet e forumit.

Përveçse nga kriza, Franca së fundmi është tronditur edhe nga një skandal evazioni fiskal, që ka detyruar ministrat të deklarojnë pasuritë e tyre individuale.

Deklarimet janë bërë në një web site të posaçëm, me nismë të vetë presidentit Hollande, me qëllim arritjen e synimit të sipërpërmendur “rifitimin e besimit të qytetarëve”.

Sidoqoftë, ky skandal ka bërë që popullariteti i presidentit francez të pësojë një rënie të ndjeshme në sondazhe, të cilat nxjerrin para tij ish-presidentin Nicolas Sarkozy.

Top Channel