Programi bërthamor, s’ka marrëveshje me Iranin
06/04/2013 00:00
Vrasja e politikanes së njohur në Brazil, jepet dënimi për dy policët që kryen atentatin 01/11 17:43
Raundi i dytë i bisedimeve dy-ditore mes mes fuqive botërore dhe Iranit në lidhje me programin e tij bërthamor, që u mbajtën në qytetin e Kazakistanit Alamtia, ashtu sikundër pritej, kanë përfunduar pa asnjë marrëveshje.
Shefja e Politikës së Jashtme e Bashkimit Europian, Catherine Ashton komunikoi se palët janë “shumë larg” në qendrimet e tyre.
Shtetet e Bashkuara, Kina, Rusia, Britania e Madhe, Franca dhe Gjermania, vendet e 5+1 që marrin pjesë në bisedimet me Teheranin, i propozuan këtij të fundit ndaljen e pasurimit të uraniumit dhe mbylljen e centralit nëntokësor të Fordosë dhe në këmbim premtuan lehtësimin e sanksioneve ekonomike.
Fuqitë e mëdha i kërkojnë Iranit të ndalë pasurimin e uraniumit, por negociatori iranian, Saad Jalili mbrojti të drejtën e vendit të tij për të pasuruar uraniumin, që për Teheranin është krejtësisht për qëllime paqësore, përkundër pretendimeve të Izraelit, Shteteve të Bashkuara dhe vendet e BE-së se programi bërthamor ka qëllime ushtarake.
Kërkesa për ndaljen e pasurimit të uraniumit u shtrua në tryezën e bisedimeve gjatë bisedimeve të raundit të parë që u mbajtën në muajish shkurt, sërish në Kazakistan.
Top Channel
Vrasja e politikanes së njohur në Brazil, jepet dënimi për dy policët që kryen atentatin 
