Kina: SHBA po rrit tensionet në Azi
18/03/2013 15:25
Trump nënshkruan marrëveshje me Shtëpinë e Bardhë, zyrtarisht gati transferimi i pushtetit 27/11 07:29
Kina kritikoi planin e Shteteve të Bashkuara të Amerikës për të fuqizuar kapacitetet mbrojtëse raketore, për t’iu kundërpërgjigjur kërcënimit në rritje nga Korea e Veriut.
Sipas zëdhënësit të Ministrisë së Jashtme, “kjo lëvizje e Pentagonit do të shërbejë vetëm për të rritur tensionin dhe intensifikuar antagonizmin në rajon”.
Në të njëjtën deklaratë, Pekini i bëri thirrje autoriteteve amerikane që të “tregohen të kujdesshëm”, për të mos përshkallëzuar krizën në Gadishullin Korean.
Ditën e premte, Uashingtoni lajmëroi planet për të vendosur 14 sisteme të shkatërrimit të raketave në ajër në Alaskë dhe një radar të sofistikuar në Japoni.
Rusia gjithashtu ka shprehur kundërshtinë dhe “shqetësimin” e saj për këtë plan.
”Çështja e sistemeve anti-raketore ka një rrjedhojë direkte në stabilitetin dhe rrjedhojat botërore e rajonale”, theksoi Moska zyrtare.
”Fuqizimi i këtyre sistemeve nuk do të jetë në asnjë rast i dobishëm, për të gjetur një zgjidhje reale për këtë problem”.
Top Channel
