Bullgari, dështon referendumi për centralin atomik
28/01/2013 00:00
“NATO do të mbrojë Kosovën”, Vuçiç: “Të gjithë po përgatiten për luftë” 04/10 19:51
Referendumi për centralin atomik në Bullgari ka dështuar për shkak të numrit të vogël të votuesve.
Sipas parashikimeve të para, në referendum, ku duhej të vendosej për ndërtimin e një centrali të ri atomik në këtë vend, dolën vetëm 20% prej afro 7 milionë shtetasve me të drejtë vote.
Për të qenë referendumi i vlefshëm kërkohet së paku pjesëmarrja prej 60%. Sipas parashikimeve të para, shumica e atyre që votuan, ishin në favor të ndërtimit të një centrali të ri atomik.
Referendumin e ka inicuar opozita e majtë, pasi qeveria properëndimore e kryeministrit Boyko Borisov, vitin e kaluar, e anuloi një marrëveshje me Rusinë, në vlerë prej 10 miliardë eurosh, për ndërtimin e një kapaciteti atomik prej 2 mijë megavatësh në qytetin verior, Belene.
Aktualisht, Bullgaria e ka një central atomik me kapacitet prej 2 mijë megavatësh në qytetin Kozloduy.
Top Channel
