Siri, Rusia mbyll konsullatën në Aleppo
16/01/2013 15:50
Kryeministri gjeorgjian pezullon bisedimet e anëtarësimit në BE deri në fund të vitit 2028 28/11 22:56
Konsullata e Përgjithshme Ruse në qytetin më të madh sirian ndërpreu për një afat të pacaktuar operacionet e saj ditën e mërkurë, lajmëroi Agjensia Shtetërore e Lajmeve “RIA Novosti”.
”Puna e Konsullatës së Përgjithshme të Federatës Ruse në Aleppo është pezulluar”, informoi Ministria e Jashtme në një deklaratë. “Përsa i përket të gjitha çështjeve, përfshi ato me karakter konsullor, të interesuarit duhet t’i adresohen Ambasadës Ruse në Damask”.
Besohet se vendimi për mbylljen e konsullatës u mor si rrjedhojë e intensifikimit të luftimeve në qytetin me dy milionë banorë dhe pamundësisë për të mbrojtur selinë diplomatike nga një goditje e mundshme.
Mësohet se i gjithë stafi diplomatik dhe familjet e tyre janë shpërngulur paraprakisht.
Në të shkuarën, kryengritësit që po luftojnë për rrëzimin e regjimit në Siri kanë djegur publikisht flamurin dhe simbolet kombëtare ruse, për shkak të mbështetjes që Moska zyrtare i ka dhënë presidentit Bashar al-Assad.
Disa rezoluta me sanksione ekonomike, politike dhe ushtarake ndaj Damaskut janë bllokuar në Këshillin e Sigurimit në OKB, nga veto kundër e vendosur prej Rusisë dhe Kinës.
Top Channel
