Greqi, sulmohet vëllai i zëdhënësit të qeverisë
13/01/2013 00:00
“NATO do të mbrojë Kosovën”, Vuçiç: “Të gjithë po përgatiten për luftë” 04/10 19:51
Persona për të cilët policia thotë se janë anëtarë të grupeve anarkiste, kanë sulmuar me bombë molotov banesën e vëllait të zëdhënësit të qeverisë greke, Simo Qedhikoglou.
Sulmi i pazakontë ka ndodhur gjatë orëve të natës, në kohën kur vëllai i zëdhënësit, bashkëshortja dhe fëmija e tyre 3-vjeçar ndodhej në banesë. Sipas policisë, persona të panjohur, thyen me vare hyrjen e portës së godinës trekatëshe ku banon vëllai i zëdhënësit e pastaj lëshuan një bombë molotov.
Flakët e zjarrit dëmtuan godinën, por për fat nuk vunë në rrezik jetët e personave brenda saj. Incidenti përfundoi me ndërhyrjen e zjarrfikësve që mbërritën menjëherë në zonë duke shuar shumë shpejt flakët. Zëdhënësi i qeverisë greke është prej kohësh në krye të përballjes politike me eksponentë të së majtës radikale.
Ai e ka akuzuar shpeshherë partine Syriza se fshihet pas sulmeve anarkiste dhe mbështet ekstremistët, protagonistë të akteve të dhunës gjatë protestave të shumta që zhvillohen në rrugët e qyteteve greke që prej fillimit të krizës ekonomike.
Top Channel
