Zyra për Informim pranë Drejtorisë së Përgjithshme të Policisë së Kosovës, njoftoi për radhë të gjatë që shkojnë në disa kilometra në dy pikëkalimet kufitare me Serbinë, Merdare dhe Dheu i Bardhe.
Në njoftim thuhet se të gjithë qytetarët vonohen nga 2-3 orë në Merdare dhe 3-4 orë në Dheun e Bardhë. Shkak i radhëve të gjata është fluksi i madhe i qytetarëve të Kosovës që kaluan festat e fundvitit në atdhe e tashmë po rikthehen nëpër vendet e tyre të punës.
Përvec kësaj, një tjetër faktor është edhe punimi i ngadaltë i palës serbe, ndërkohë që pala kosovare ka shtuar sportelet në dalje. Në njoftimin e autoriteteve kosovare thuhet se janë njoftuar institucionet e tjera dhe ato ndërkombëtare për situatën e rënduar dhe kërkon që të ndërhyhet pranë palës serbe të përshpejtojë procedurat.
Top Channel
