PDK, përfundon numërimi i votave
21/12/2012 20:30
Kosovë/ Shtyhet sërish seanca konstituive, Vetëvendosja kërkon marrëveshje politike 21/04 16:21
Të premten pasdite ka përfunduar numërimi i votave për kandidatët e Këshillit Drejtues të Degës së PDK-së në Prishtinë, i filluar të enjten rreth mesnatës.
Listës me më shumë vota, sipas rezultateve zyrtare nga numërimi i 260 fletëvotimeve, i prijnë tre kandidatët për kryetar të kësaj dege.
Kështu, Shemsi Veseli kryeson me 155 të tilla, i ndjekur nga Lirak Çelaj me 152 dhe Memli Krasniqi me 132, duke bërë që gara për kreun e listës të mbetet mes dy të parëve.
Pas zgjedhjes së Këshillit Drejtues prej 51 anëtarësh, hapi tjetër do të jetë zgjedhja e Kryesisë, e cila përfundimisht do të përcaktojë kryetarin e Degës për kryeqytetin.
PDK, që drejtohet nga kryeministri Hashim Thaçi, që prej nëntorit ka filluar proçesin e brendshëm zgjedhor nëpër degë dhe gjatë vitit të ardhshëm pritet që të zgjidhet edhe kryetari i partisë.
Top Channel
