Ukraina, e tmerruar nga krimi makabër
17/12/2012 15:40
Forcat izraelite bombardojnë Libanin, raportohet për dhjetëra të vdekur e të plagosur 24/11 22:56
Policia në Ukrainë është duke hetuar mbi një krim që ka terrorizuar vendin, pasi një gjykatës dhe familja e tij u gjetën me kokat e prera në shtëpinë e tyre, në qytetin e Kharkivit.
Vetë ministri i Brendshëm dhe kryeprokurori i vendit vizituan skenën e krimit, të vendosur në prioritet hetimi për policinë dhe organet e tjera.
Sipas policisë, vrasja e gjykatësit mund të lidhet me punën e tij apo koleksionin e rrallë të antikuareve.
58-vjeçari Trofimov koleksiononte monedha të rralla, medalje të Luftës së Dytë Botërore dhe statuja kineze.
Disa prej këtyre antikuareve, mungonin në shtëpinë, ku u gjetën vetëm trupat e gjykatësit, bashkëshortes, djalit dhe nuses.
Ky krim i përbindshëm, për nga natyra, i ngjan vrasjes së Georgy Gongadzes, në vitin 2000.
Një gazetar investigativ kundërshtar i autoriteteve, Gongadze u zhduk dhe trupi i tij pa kokë u gjet në një pyll pranë Kievit.
Top Channel
