Rigjykim i plotë rastit “Kleçka”
11/12/2012 00:00
“NATO do të mbrojë Kosovën”, Vuçiç: “Të gjithë po përgatiten për luftë” 04/10 19:51
Vetëm pas gati një muaji pasi Gjykata Supreme ktheu në rigjykim rastin “Kleçka” kundër Fatmir Limajt, Naser Krasniqit, Nexhmi Krasniqit dhe Naser Shala, tashmë po e njëjta Gjykatë ka miratuar kërkesën për rigjykim edhe të 6 ish-pjestarëve të UÇK-së, të akuzuar në këtë rast.
Të martën, trupi gjykues i Gjykatës Supreme e miratoi kërkesën e Prokurorit Special të EULEX-it, duke e kthyer në rigjykim lëndër kundër 6 të pandehurve të tjerë, Arben Krasniqi, Behlul Limaj, Refki Mazreku, Sabit Shala, Shaban Shala dhe Besim Shurdhaj, dhe në këtë mënyrë rasti i ashtuquajtur “Kleçka” kthehet në rigjykim të plotë.
Ndër tjera, këta persona ishin akuzuar për krime lufte kundër popullatës civile dhe të burgosurve të luftës. Mbrojtja e të akuzuarve e ka kundërshtuar një vendim të tillë të Gjykatës Supreme, e cila sipas tyre, nuk ka asnjë bazë ligjore.
Muajin e kaluar, Gjykata Supreme e ka kthyer në rigjykim lëndën për katër të pandehurit e tjerë, Fatmir Limajn, që gjatë luftës njihej si komandant Çeliku, dhe aktualisht deputet i PDK-së, dhe për Nexhmi e Naser Krasniqin, dhe Naser Shalë, të cilët aktualisht po mbahen në paraburgim.
Gjykata Supreme i ka konsideruar si të pranueshme deklaratat dhe ditarin e dëshmitarit kryesor të këtij rasti, Agim Zogaj, i njohur si “Dëshmitari X”. Zogaj ishte gjetur i vdekur në shtator të vitit 2011 në Duisburg të Gjermanisë.
Top Channel
