Ki-moon në Turqi, mesazh kundër Assad
07/12/2012 08:45
Të shtëna me armë në një dyqan ushqimor në Arkansas, 3 të vdekur dhe 10 të plagosur 22/06 08:41
Sekretari i Përgjithshëm i Organizatës së Kombeve të Bashkuara, Ban Ki-moon, do të mbërrijë të premten në Turqi, në kuadër të një turi rajonal, i përqendruar gjerësisht në konfliktin sirian.
Ban do të vizitojë disa kampe refugjatësh në jug të vendit, ku mbi 200 mijë sirianë janë zhvendosur, si rrjedhojë e luftës civile 20-mujore.
Gjithashtu, Ki-moon do të takohet në Ankara me kryeministrin Recep Tayyip Erdogan.
Vizita e tij në Turqi vjen pas paralajmërimeve të presidentit Obama se përdorimi i mundshëm i armëve kimike në Siri do të përbente “vijën e kuqe”, përtej të cilës komuniteti ndërkombëtar do të ishte i detyruar të ndërhynte.
Sekretari i Përgjithshëm i është bashkuar gjithashtu këtij paralajmërimi, duke theksuar se përdorimi i armëve të tilla “do të kishte pasoja serioze”.
Duke folur nga kryeqyteti iraken, Bagdadi, gjatë të enjtes, Ban theksoi se përdorimi i këtyre armëve do të “legjitimonte vendosjen e Assad përballë drejtësisë ndërkombëtare”.
Ai shtoi se i ka adresuar një letër personale Al-Assadit, duke i kërkuar që të shamngë metoda të tilla ekstreme dhe brutale, për të fituar luftën në vend.
Vizita e Ki-moon në Turqi vjen edhe pasi NATO aprovoi vendosjen e raketave “Patriot” në jug të vendit, për të siguruar vendin aleat nga çdo kërcënim që mund t’i kanoset si rrjedhojë i konfliktit në Sirinë fqinje.
Top Channel
