Shumica e amerikanëve: Clinton presidente
05/12/2012 17:55
Rrëzimi i avionit në Lituani, ngrihen dyshime se mund të jetë i lidhur me sabotim 25/11 22:20
Shumica e amerikanëve do të donin që Hillary Clinton të kandidonte për presidente në zgjedhjet e ardhshme të vitit 2016.
Kështu tregon një sondazh i Langer Research Associates, i bërë për kompanitë prestigjoze mediatike amerikane, ABC News dhe Washington Post.
Sipas të dhënave, 57 për qind e amerikanëve do ta mbështesnin Clinton në garën presidenciale dhe vetëm 37 për qind do të kundërshtonin kandidimin e saj.
Në favor të Hillary janë 66 për qind e grave dhe 49 për qind e burrave. Sipas anketës, 68 për qind aprovojnë gjithashtu punën e saj në drejtimin e Departamentit të Shtetit.
Së shpejti Clinton pritet të lërë detyrën e shefes së diplomacisë amerikane, për arsye, siç tha ajo pak kohë më parë, të udhëtimeve të shumta që i shkaktonin lodhje për shkak të moshës.
Megjithatë, ajo nuk e ka mohuar kurrë mundësinë që të garojë sërish për drejtimin e Shtëpisë së Bardhë, sikurse bëri në vitin 2008, por humbi në pjesën e emërimeve kundër Barack Obama.
Top Channel
