Slloveni, Pahor fiton zgjedhjet presidenciale

Sipas sondazheve, Pahor ka marrë 67% të votave dhe rivali i tij 33%, ndërkohë që pjesëmarrja ka qenë më e ulët sesa në raundin e parë.

Ish-kryeministri slloven, Borut Pahor do të jetë presidenti i ri i Sllovenisë, pas fitores në raundin e dytë të garës, perballe mbajtesit te ketij posti Danilo Turk.

Pahor siguroi 67 % të votave ndërsa kundërshtari 33 %.  Analistet thane se ai fitoi nga pjesemarrja e shtreses se varfer te popullsise.

“Ky moment është një kombin i emocioneve te forta dhe një gjendje e pabesueshme paqeje brenda meje. Ralle e kam patur kete privilegj. Momenti kur burrat dhe grate sllovene, qytetaret e sllovenise do te mundin kete krize- dhe patjeter qe do tia dalim, atehere do te kemi serish besimin qe ndjenim kur themeluam vendin tone dhe do te ngrihemi mes yjeve te Europes”, tha Pahor.

Sllovenia iu bashkua Eurozonës në 2007-tën, kur u konsiderua dhe një nga ekonomitë me rritje më të shpejtë të bllokut, por është goditur keqas nga kriza financiare globale për shkak të varësisë së saj të madhe nga eksportet.

Tani vendi përballet me recesionin, rënien e eksporteve, tkurrjen e shpenzimeve të brendshme për shkak të shkurtimeve buxhetore dhe rritjen e papunësisë.

Bankat janë gjithashtu në vështirësi për shkak të kredive të këqija. Shumë sllovenë janë të zemëruar me masat e ashpra anti-krizë që po implementohen nga qeveria e qendrës së djathtë, të cilën e akuzojnë edhe për korrupsion.

Posti i presidentit nga ana tjetër, që ka një mandat 5-vjeçar në krye të shtetit, është kryesisht honorifik.

Top Channel