Kolumbi, FARC lëshon pengjet kinezë

Në fillim të këtij viti, FARC kishte deklaruar se nuk do të rrëmbenin më apo të mbanin të burgosur.

Katër kinezët mendohen të kishin qenë të vetmit pengje të huaj nga grupi i rebelëve. Në fillim të kësaj jave, liderët e FARC deklaruan një armëpushim 2-mujorsh.

Grupi marksist ka luftuar kundër qeverisë për 5 dekada, në një konflikt ku rreth 600 mijë njerëz kanë humbur jetën.

Presidenti kolumbian, Juan Manual Santos, tha se kishte folur me zyrtarë të ambasadës kineze, teksa dëshironte të festonte lirimin e pengjeve.

“Pengmarrja është diçka, që nuk duhet të ndodhë më”, shkroi ai në Twitter. Punonjësit u rikthyen te stafi i Kryqit të Kuq, në një zonë rurale të Kolumbisë jugore.

Zyrtarë thanë se ata gëzonin shëndet të mirë. Katër individët po punonin për kompaninë britanike të naftës, Emerald Energy, një degë e Sinochem-it kinez, kur u rrëmbyen në mars 2011.

FARC, që numëronte 16 mijë anëtarë në 2001, mendohet të ketë tashmë rreth 8000 luftëtarë.

Top Channel