Në Indi është ekzekutuar Mohammad Ajmal Kasab, i vetmi i mbijetuar i njësisë terroriste përgjegjëse për sulmet në Mumbai në vitin 2008, që shkaktuan vdekjen e 166 personave.
Kasab u ekzekutua me varrje në burgun e Punesë, në Indi, njoftoi Ministria e Brendshme indiane mediat lokale dhe ndërkombëtare.
Kërkesa e tij për falje ndaj presidentit indian, Pranab Mukherjee, u
refuzua në fillim të këtij muaji, ndaj dhe ai u dërgua në Punè nga
Mumbai.
Rrethimi prej 60 orësh i Mumbait nisi më 26 nëntor 2008. Sulmet në stacionin qendror të metrosë së qytetit, në hotelet luksoze dhe në një qendër kulturore hebraike morën 166 jetë njerëzish.
Nëntë persona të armatosur u vranë gjithashtu. Qasab dhe një bashkëpunëtor ndërmorrën sulmin në stacionin e metrosë, duke vrarë 52 njerëz.
Top Channel
