Spanjë, leje qëndrimi kujt blen shtëpi

Masa në fjalë, që po studiohet nga ekzekutivi, është njoftuar të martën nga sekretari i Shtetit për Tregtinë, Jaime Garcia Legaz, në Madrid.

Zyrtari ka siguruar se iniciativa i drejtohet kryesisht tregut rus dhe atij kinez, të cilët kanë shprehur disa herë interesa për blerjen e banesave në Spanjë.

Sipas njoftimit të Garcia Legaz, ndryshimi normativ do të bëhet ekzekutiv në javën e ardhshme. Me këtë masë, qeveria e Mariano Rajoy synon të mbështesë kërkesën e jashtme për shtëpi, në një moment kur kërkesa kombëtare është paralizuar nga reçesioni.

Që nga rënia e krizës mbi pasuritë e paluajtshme, në vitin 2007, qeveritë spanjolle nuk kanë arritur të përmirësojnë efektet e spekulimit ndërtimor, me një stok tepër të madh banesash boshe, me kreditë e pashlyera dhe një borxh privat ndër më të lartët në botë.

Mbi normativën e modifikuar, për t’u dhënë lejen e qëndrimit blerësve të huaj, ministrat e Ekonomisë, Punës, Infrastrukturës, i Brendshëm dhe i Jashtëm punojnë që prej pranëverës së kaluar.

Një iniciativë analoge është realizuar në irlandë dhe Portugali, vende të cilat kanë bërë kërkesë për një fond shpëtimi nga ana e trojkës.

Top Channel