Isa Boletini ende pa varr

Burime zyrtare të institucioneve qendrore të Republikës së Kosovës kanë bërë të ditur për Top Channel se janë shfaqur ndërlikime në rezultatet e analizave të ADN-së.

Po kështu, zyrtare të lartë nga qeveria e presidenca kosovare kanë bërë të ditur se në axhendën e aktiviteteve për 100-vjetorin e Pavarësisë nuk ekziston rivarrimi i eshtrave të Isa Boletinit në fshatin e tij, për shkak të rezultatit të analizave të ADN-së, i cili mund të jetë negativ.

Mostrat e eshtrave të trupit që mendohet se i takojnë Isa Boletinit bashkë me mostrat e familjarëve të gjallë të heroit ndodhen prej muajsh në laboratorin e Antropoligjisë Molekulare të Universitetit të Strasburgut, prej nga edhe pritet përgjigjia përfundimtare.

Ndërsa shtatorja e Isa Boletinit u vendos në qendër të Mitrovicës, shumë pranë urës kryesore që ndan qytetin, kthimi i eshtrave të tij në Boletin, pranë manastirit të Sokolicës, i shpallur si zonë e mbrojtur serbe, duket se nuk do të mund të ndodhë.

Në fakt komuna e Mitrovicës është përkujdesur për shumë kohë per eshtrat që mendohet se i takojnë Isa Boletinit. Prej kohësh kreytari i saj ka paralajmëruar ceremoninë e rrivarrimit më datë 24 nëntor në Boletin.

Nga deklarata e tij bërë këtë të hënë kuptojmë se më 24 nëntor nuk do të ketë aktivitet tjetër përveç shpalosjes së shtatores. Për momentin bashkatdhetarëve të tij u duhet të mjaftohen me këtë shtatore që erdhi nga Durrësi.

Skulptura është e lartë 3.54 metra, e rëndë rreth 1.2 ton, ndërsa në duar mban flamurin. Isa Boletini u vra në Podgoricë më 1916-ën në Podgoricë. Eshtrat e tij, të cilat po i nënshtrohen analizave, u kthyen në Kosovë në vitin 1998.

Top Channel