Holandë, betohet kabineti pro-europian
05/11/2012 21:00
Deputetët në Britani votojnë për ligjin e kontestuar të ‘asistimit’ të vdekjes (fotot) 29/11 16:20
Një kabinet i ri qeverituar, i udhëhequr nga kryeministri Mark Rutte, u betua ditën e hënë përpara mbretëreshës në Holandë.
Partia liberale e Ruttes dhe laburistët e qendrës së majtë realizuan një koalicion midis tyre, pasi u renditën të parat në zgjedhjet e 12 shtatorit.
Kabineti i mëparshëm u rrëzua pasi disa aleatë u tërhoqën nga qeverisja si rrjedhojë e një mosmarrëveshje mbi një total shkurtimesh prej 16 miliardë eurosh, si masë paraprake për uljen e defiçitit buxhetor.
Sipas ekspertëve, kabineti i ri holandez shihet si më pro-europian dhe anti-masave shtrënguese se i mëparshmi.
Betimi i kabinetit u realizua përpara Mbretëreshës Beatriks, në pallatin mbretëror në Hagë, një ceremoni e transmetuar drejtëpërsëdrejti nga televizionet holandeze dhe për herë të parë në histori edhe online.
Me formimin e koalicionit në fjalë, pritet që Amsterdami zyrtar të vendosë të shkurtojë disa nga zërat e buxhetit, duke ndjekur një politikë për reduktimin e borxhit kombëtar.
Top Channel
