Dy rivalët në zgjedhjet presidenciale amerikane kanë nisur një fushatë kyçe në terren, në shtetet që do të vendosin se kush do të fitojë në zgjedhjet e së martës.
Barack Obama po bën fushatë në Ohajo, Uiskonsin, Ajoua dhe Virxhinia, ndërsa Mitt Romney është përqendruar në Nju Hempshër, Ajoua dhe Kolorado. Të dy kandidatët do të vizitojnë qytetin e Dubukues, në Ajoua, brenda pak orëve.
Sondazhet sugjerojnë se dy rivalët janë kokë më kokë, megjithëse zoti Obama është pak më përpara se Romney në shtetet e diskutueshme.
Presidenti, duke iu drejtuar elektoratit demokrat në Mentor të Ohajos, deklaroi se votimet janë një zgjedhje për dy vizione të ndryshme për Amerikën: “një vizion që rrënon ekonominë, ose një vizion për ndërtimin e së ardhmes me një klasë të mesme solide”.
Ndërsa republikani, duke hapur ditën e fushatës në tre shtetet në Nju Hempshër, tha se: “Me lejoni t’ju them atë që më pëlqen t’ju them: votoni për dashurinë ndaj vendit tuaj. Është koha ta bëjmë Amerikën një vend më të mirë”.
Korrespondenti i BBC në Ohajo, Paul Adams deklaron se fushata e egërsuar e ditëve të fundit po shënon fundin e një maratone të gjatë.
Sipas tij, në prag të zgjedhjeve, lavjerrësi duket se anon nga zoti Obama, pasi sondazhet nuk e nxjerrin Romneyn në avantazh në disa shtete.
Top Channel
