FMN paralajmëron qeverinë

Fondi thotë se ky nivel borxhi përveçse rrit rreziqet për Shqipërinë mund të fillojë të cënoje rritjen ekonomike duke ngushtuar hapësirat për kreditimin e sektorit privat dhe paralizuar qeverinë në financimin e investimeve të domosdoshme.

Në këtë situatë ekspertët e FMN i rekomandojnë qeverisë së pari të heqë dorë nga stimuli fiskal, pra një rritje e shpenzimeve të saj për të ndihmuar rritjen ekonomike, pasi sipas tyre kjo nuk do të ishte zgjidhja.

Në vend të stimulit, FMN mendon se mënyra më e mirë për të mbështetur ekonominë do të ishte konsolidimi fiskal, i cili duhet të nisë fillimisht me ndaljen e kurbës në rritje të borxhit publik që në vitin e ardhshëm, ku qeveria duhet të mbajë të njëtin nivel të borxhit si ai i këtij viti.

Sipas fondit, kjo do të ishte masa e parë, e cila duhet të pasohet nga një sërë refromash të tjera për rritjen e taksave dhe uljen e shpenzimeve.

FMN thotë se rritja e të ardhurave që duhet për të ndalur borxhin nuk mund të vijë vetëm nga mirëadministrimi dhe mund të kërkojë rritjen e disa taksave, përfshirë edhe ato mbi të ardhurat.

Nga krahu i shpenzimeve FMN i rekomandon qeverisë që rritja e pagave dhe pensioneve të jetë vetëm sa për të kompesuar inflacionin.

Ndërsa një tjetër masë që sipas saj do të ulte rrezikun e financave publike është ajo e dhënies fund të miratimit të buxheteve optimiste, çka do të shmangte fenomenin e faturave të papaguara të qeverisë.

Top Channel