Agjensia për Refugjatët brenda Organizatës së Kombeve të Bashkuara (UNHCR) paralajmëroi se deri 700 mijë sirianë mund të kenë braktisur vendin përpara fundit të vitit, një rritje drastike nga parashikimet e mëparshme.
Rreth 300 mijë shtetas janë larguar nga vendi i përfshirë në luftën civile, por eksodi i refugjatëve në vendet fqinje ka pësuar një rritje të madhe në javët e fundit.
Si rrjedhojë, UNHCR bëri një apel duke kërkuar 490 milionë dollarë shtesë për të përballuar krizën.
Shumica e refugjatëve strehohen aktualisht në kampe pritje në Turqi, Liban dhe Japoni.
Ndërkohë, UNHCR deklaroi se dita e mërkurë ishte data më e përgjakshme e të gjithë konfliktit 18-mujor deri tani, me më shumë se 305 persona që humbën jetën.
Rami Abdel Rahman, i Observatorit Sirian të të Drejtave të Njeriut, u shpreh se në këtë bilanc janë përfshirë vetëm personat e identifikuar dhe se numri i përgjithshëm i viktimave mund të jetë më i lartë.
Nga të paktën 305 të vdekur, 200 ishin civilë.
Top Channel
