Tre prej katër trupave të gjetur të pajetë në një destinacion turistik në Francë janë ekzekutuar me nga një plumb në kokë, informoi policia franceze gjatë së enjtes.
Saad al-Hilli, një shtetas britanik ishte qëlluar pas koke, ashtu si një grua e moshuar dhe një çiklist francez.
Një grua e katërt gjithashtu u vra, ndersa vajza e cila besohet se ishte e saja, rreth moshes 7-vjeçare, u zbulua e plagosur me tre plumba në trup dhe ndodhet në koma në spitalin e Grenoblit.
Ndonese nuk ka nje konfirmim zyrtar, dihet se al-Hilli ishte babai i dy vajzave dhe besohet se dy grate e vrara jane bashkeshortja dhe nena e saj, por mungesa e mjeteve identifikuese ka bere qe autoritet te mos japin ende te dhena per identitetin e dy grave. Mediat franceze spekulojne se ciklisti vendas u ekzektua pasi rastisi ne skenen e krimit.
Një vajzë 4-vjeçare, e besuar si femija e dyte e çiftit, shpëtoi duke u fshehur në makinë për tetë orë ne fundin e “nenes”, përpara se të zbulohej nga policia, pranë liqenit të Anesisë dhe sipas “AFP”-se, deshmia e saj pritet te jete vendimtare per hetimet.
Ishte një çiklist britanik, i cili zbuloi katër trupat e pajetë dhe aktualisht ai eshte duke marrë ndihmë psikologjike prej traumës që i shkaktoi zbulimi i skenes se krimit.
Ministria e Jashtme Britanike konfirmoi se autoritetet franceze janë duke bashkëpunuar me policinë britanike për zbardhjen e ngjarjes dhe autorit të mundshëm të kësaj masakre që ka tronditur opinionin publik.
Liqeni i Anesisë, pranë kufirit zviceran, është një destinacion i preferuar turistik për harmoninë me natyrën dhe lokalitetet paqësore që e rrethojnë.
Top Channel
