![](https://top-channel.tv/wp-content/uploads/2024/06/kurti-vucic_sd-800x450.jpg)
Huadhënësit ndërkombëtar të Greqisë sugjeruan që java e punës për punëtorët grekë të përfshijë edhe ditën e shtunë, duke u zgjatur në gjashtë ditë.
Sipas “BBC”, ky është një prej propozimeve jozyrtare që synojnë të liberalizojnë tregun e punës dhe të rrisin efiçencën e administratës.
Megjithatë, propozimi nuk ishte përfshirë në paketën fillestare të shkurtimeve, në këmbim të së cilës Athinës iu akordua një paketë madhore huaje.
Inspektorët e Bashkimit Europian, Fondit Monetar Ndërkombëtar dhe Bankës Qendrore Europiane, të quajtur si “trojka”, do të mbërrijnë në Greqi gjatë kësaj jave, për të diskutuar një sërë propozimesh për zgjidhjen e krizës.
Përfaqësuesit e trojkës janë duke shkruar një raport, i cili do të publikohet në tetor dhe do të vendosë nëse vendi helen do të marrë këstet e ardhshme të kredisë.
Athina ka nevojë për këstin e ardhshëm prej 31,5 miliardë eurosh, për të mbështetur nevojat bazë të buxhetit dhe për të mos deklaruar falimentimin e tërheqjen nga borxhet e saj.
Top Channel