Në Gambia janë rikthyer ekzekutimet e të burgosurve. Amnesty International bën të ditur se nëntë të burgosur janë ekzekutuar ditën e martë.
Amnesty International thekson se shumë persona të tjerë rrezikojnë ekzekutimin, siç publikon BBC.
Presidenti Yahya Jammeh ka deklaruar gjatë një fjalimi të drejtuar popullit të Gambias për festën e Bajramit të Madh se do të vrasë 47 të dënuarit me vdekje brenda muajit shtator.
Ekzekutimi i fundit në vendin afrikan është kryer në vitin e largët 1985. Unioni Afrikan i bëri thirrje presidentit Jammeh të heqë dorë nga planet e tij, por sipas Amnesty International ekzekutimet kanë nisur të martën, dy ditë pas fjalimit.
Shumica e të dënuarve me vdekje janë të burgosur politikë.
Top Channel
