NATO do të dërgojë në tetor në Kosovë një njësi ushtarake prej 700
trupash gjermanë dhe austriakë, të cilët do të shërbejnë si forcë
ndërhyrjeje.
Lajmin e bën të ditur e përditshmja gjermane “Der Spiegel”, sipas të cilës trupat në fjalë do të zëvendësojnë një njësi paqeruajtëse italiane.
Bëhet fjalë për të tretën herë brenda vitit që ushtarë gjermanë nga divizioni i Operacioneve Rezervë do të dërgohen në Kosovë.
Trupat në fjalë, shkruan “Der Spiegel”, do të dërgohen në shtetin e ri të Evropës pasi kanë marrë miratimin e qeverisë së Berlinit, për stabilizimin e situatës në veri të Kosovës.
“Situata e sigurisë në Kosovë është alarmuese. Pavarësisht pranisë së 5.800 ushtarëve ndërkombëtarë dhe një force prej 700 paqeruajtësish italianë, situata vijon të jetë e brishtë sidomos në veri, në kufirin me Serbinë”, shkruan gazeta gjermane.
Duke cituar gjeneralin Rainer Glatz, e përditshmja shton më tej se, ka gjasa serioze që në muajt e ardhshëm situata atje të përkeqësohet.
Për këtë arsye, grupi prej 700 ushtarësh gjermanë e austriakë është i përgatitur për situata të rrezikshme, në rast se trupat normale nuk i përballojnë dot
Top Channel
