Ahmadinejad: Vdekje Izraelit dhe Amerikës
17/08/2012 18:30
Bilanci me 90 të vdekur, nuk ndalet uragani “Helene”! Biden shkon në zonat e katastrofës
30/09 12:20
“Vdekje Amerikës, vdekje Izraelit!”. Kjo parullë është brohoritur të premten në Iran, ku mijëra qytetarë kanë përsëritur fjalët e presidentit Mahmoud Ahmadinejad, i cili ka thënë se në të ardhmen e Lindjes së Mesme nuk ka hapësirë për shtetin hebre.
“Tumori izraelit do të eleminohet së shpejti”, ka thënë presidenti në Universitetin e Teheranit, me rastin e së premtes së fundit të muajit të Ramazanit, kur në Iran festohet edhe Dita Botërore e Jeruzalemit, në solidaritet me palestinezët kundër Izraelit.
“Regjimi sionist është një kancer. Shumë shpejt vendet e rajonit do t’i japin fund pranisë së pushtuesve sionistë në tokën e Palestinës. Perëndimorët thonë se duan një Lindje të Mesme të re, por në rajonin tonë nuk do të ketë më gjurmë të sionistëve”, ka shtuar presidenti, i cili e ka mbyllur fjalimin me klithmën: “Vdekje Izraelit dhe vdekje Amerikës”.
Ditën e mërkurë ishte Udhëheqësi Suprem Iranian, ajatollahu Ali Khamenei që deklaroi se, “Izraeli është një regjim sionist artificial që do të zhduket nga horizonti i rajonit”.
Irani, i penalizuar nga sanksionet perëndimore, rrezikon një sulm ushtarak nga Izraeli ose nga Shtetet e Bashkuara në lidhje me programin e diskutueshëm bërthamor të tij.
E teksa revoltat popullore po riformatojnë fytyrën e rajonit, Republika Islamike po përpiqet të ndalojë rënien e aleatit të saj arab, presidentin sirian Bashar al Assad.
Top Channel
