Kosova, në BE pas dhjetë vitesh
16/08/2012 21:20
Mbishkrimi “Kosova është Serbi”/ Të arrestuarit në Kosovë pjesëtarë të ushtrisë së Malit të Zi 27/11 18:31
Gjatë një periudhe 10-vjeçare pritet që Kosova dhe Serbia të shkëmbejnë ambasadorët, parashikon Prishtina zyrtare dhe kjo do të jetë edhe kohëzgjatja që do t’i duhet vendit për të fituar integrimin në BE.
Bazuar në një dokument-strategjik, të hartuar nga Ministria e Punëve të Jashtme e Republikës së Kosovës, thuhet se pa normalizimin e marrëdhënieve mes dy vendeve nuk mund të synohet integrimi euroatlantik.
Në dokumentin e siguruar nga KTV-ja, hartuar me ndihmën e këshilltarëve të huaj, thuhet se Kosova ka strategji për arritjen e numrit të mjaftueshëm të njohjeve për anëtarësim në Kombet e Bashkuara, ku ndër të tjera, shkruhet edhe për rritjen e lidhjeve me Rusinë e Kinën.
Fakti që Kosova nuk është njohur nga pesë vende të Bashkimit Europian përbën problem me të cilin MPJ-ja do të merret pasi shihet si kërcënim për stabilitetin e Ballkanit, duke rrezikuar integrimin e rajonit.
Kosova, sipas këtij dokumenti strategjik, po ashtu synon të thellojë lidhjet me Bullgarinë, Kroacinë dhe Slloveninë për të kërkuar të fitojë nga eksperienca e tyre për të përgatitur kandidaturën për anëtarësim në Bashkimin Europian dhe NATO.
Top Channel
