“Serbia duhet të krijojë një polici ballkanike”

Sipas Milorad Dodik, është e domosdoshme që “një polici serbe të mbrojë interesat e vetë Serbisë dhe shtetasve të saj kudo në Ballkan, përfshirë Bosnje, Mal të Zi, Kosovë e vendet e me serbë etnikë”.

Ai shtoi se mënyrat e mbrojtjes së interesave serbe do të jenë në qendër të bisedimeve të tij me Presidentin Tomislav Nikolic, në Banja Luka, në shtator.

“Flitet për serbët e Malit të Zi, të Bosnjes, Kosovës, Kroacisë apo lloje të tjera serbësh. Në thelb, janë të gjithë serbë, kanë të njëjtin atdhe dhe duhet të mbrohen nga e njëjta forcë. Unë nuk jam një serb Bosnje. Unë jam një serb”, theksoi Dodik.

Gjithashtu, Dodik ngriti zërin për njohjen e Republikës Srbska në takimet ndërkombëtare, përkrah Sarajevës zyrtare.

“Republika jonë duhet të ketë zërin e saj dhe kjo është thelbësore për vetë mbijetesën e Bosnje-Hercegovinës. Nëse politika e injorimit të interesave tanë nga qeveria boshnjake do të mbizotërojë, atëherë të gjithë ne nuk kemi se çfarë presim dhe se çfarë të kërkojmë më në këtë shtet”.

Top Channel