“Unaza” kundër prostitucionit

Në një konferencë për shtyp u bë e ditur se hetimet për të rënë në gjurmë të këtij rrejti kriminal kishin nisur para një viti. Viktimat e prostituimit ishin të gjitha nga Moldavia dhe ato paguheshin 50-100 euro për një akt seksual.

Zyrtarët bënë gjithashtu të ditur se operacioni është realizuar në Komunën e Gjakovës në katër vendndodhje, në pesë lokale të natës, ndërsa pesë të tjera shtëpi private si dhe një zyre e punësimit rajonal, pjesë e ministrisë së Punës dhe Mirëqenies Sociale, ku është arrestuar edhe një nëpunës i saj.

”Me rritjen e kapaciteteve të policisë dhe profesionalizmin e tyre, çdo herë e më shumë rritet edhe respekti për policinë, por edhe imazhi i Kosovës karshi ndërkombëtarëve, kur dihet se sundimi i rendit dhe ligjit kërkohet më shumë ndaj jemi në rrugën e drejtë”, u shpreh ministri i Punëve të Brendshem, Bajram Rexhepi.

“Përveç prostituimit, ka edhe disa vepra të tjera penale, si falsifikimi i dokumenteve zyrtare, sidomos ato të hyrjes në Kosovë, pastrim parash ku hetimi është në zhvillim e sipër, si dhe armëmbajtje pa leje”, theksoi Arben Pacarizi, i drejtorisë për hetimin e trafikimit me qënie njerëzore.

Drejtori i përgjithshëm i Policisë, Shpend Maxhuni shtoi se ky operacion ka qenë i fokusuar në goditjen e një rrjeti të organizuar kriminal.

Top Channel