Kociançiç: Të nisë sa më parë dialogu
06/08/2012 00:00
Kosova pranon mijëra dronë kamikazë, Vuçiç kritikon Turqinë 08/10 19:29
Janë duke u zhvilluar konsultimet e Brukselit për vazhdimin e bisedimeve
ndërmjet Beogradit dhe Prishtinës. “Po bëjmë çmos që dialogu sa më parë
të nisë”, ka deklaruar Maja Kociançiç, zëdhënëse e përfaqësueses së
lartë të BE-së Catherine Ashton, shkruan “Blic” i Beogradit.
Siç ka thënë për mediat serbe zëdhënësja e Catherine Ashton, përfaqësuesja e lartë e BE–së ditë më parë ka biseduar me kryeministrin serb Ivica Daçiç dhe me kryeministrin e Kosovës Hashim Thaçi. Por ajo nuk ka saktësuar se kur do të caktohet raundi i ri i dialogut.
“Puna në raportin ka nisur, por meqenëse deri atëherë do të ketë edhe më kontakte deri në momentin e fundit do të presim të shohim të gjitha informacionet për progresin në mënyrë që raporti të prezantojë realisht gjendjen e fundit”, ka thënë Kociançiç.
Ajo ka shtuar se Catherine Ashton ka theksuar se është me rëndësi që të dyja palët, edhe Beogradi edhe Prishtina, plotësisht të zbatojnë të gjitha marrëveshjet e arritura me dialog.
Top Channel
