Terzi: Dialogu Prishtinë-Beograd, me mjaft rëndësi

Gjatë qëndrimit të tij në kryeqytetin serb, në një intervistë për Radio Televizionin Publik serb, Terzi ka theksuar se BE-ja është e vetëdijshme për ndjeshmërinë që ka çështja e Kosovës, por nuk e sheh si kusht të ri për Serbinë.

“Nuk e shoh në asnjë mënyrë që parakusht i ri për Serbinë për integrim në Bashkimin Evropian të jetë njohja e pavarësisë së Kosovës. Në Evropë dhe Itali e dimë se sa emotive dhe politike është kjo çështje. Jemi të vetëdijshëm për vështirësitë që ka dhe ndarjen e Kosovës në vitin 1999. Nuk mendoj se dikush dëshiron ta vendos këtë çështje si kusht të ri në tavolinë”, ka thënë ministri italian, i cili ka qëndruar në Serbi.

Italia dhe Serbia kanë disa marrëveshje bashkëpunimi në aspektin ekonomik, ndër qeveritar dhe kulturor. Ndërkaq në politikën serbe ditëve të fundit, kushtet e reja nga BE-ja për integrimin e Serbisë, e që paraqiten si sekrete, janë kthyer në qendër të vëmendjes.

Top Channel