Mal i Zi, në tetor zgjedhje të parakohshme
31/07/2012 15:30
Mbishkrimi “Kosova është Serbi”/ Të arrestuarit në Kosovë pjesëtarë të ushtrisë së Malit të Zi 27/11 18:31
Presidenti i Malit të Zi, Filip Vujanoviç ka kërkuar të martën që zgjedhjet e parakohshme parlamentare në vend të mbahen më 14 tetorin e ardhshëm.
Lajmin e bën të ditur agjencia “AFP”. Parlamenti malazez votoi javën e kaluar pro mbajtjes së zgjedhjeve të parakohshme, në mënyrë që kur të nisin negociatat për anëtarësimin në BE, qeveria të ketë mandat të plotë 4-vjeçar.
Para votimit, anëtarët e koalicionit qeverisës, Partia Social-Demokrate dhe Partia Socialiste e Popullit, ranë dakord që të bashkonin forcat.
Shteti i Malit të Zi nisi negociatat për anëtarësimin në Bashkimin Evropian në qershor të këtij viti, pasi muaj më herët kishte marrë rekomandimin nga Brukseli në raportin e progresit.
Mali i Zi është mes tre vendeve të Ballkanit, bashkë me Serbinë dhe Maqedoninë, që në raportin e progresit të Komisionit Evropian morën dritën jeshile për hapjen e negociatave të anëtarësimit.
Ndërkohë që vendi që pritet të formalizojë anëtarësimin e plotë është Kroacia, e cila do të bëhet anëtare me të drejta të plota e Unionit vitin e ardhshëm.
Top Channel
