Hollande e Merkel: Gjithçka për euron

Kështu kanë deklaruar kancelarja gjermane Angela Merkel dhe presidenti francez Francois Hollande në një komunikate të përbashkët për shtyp.

Dy liderët e dy vendeve kyçe të Bashkimit Evropian kanë rikonfirmuar kështu se ruajtja e monedhës së përbashkët është një prioritet.

Një ditë më parë ishte guvernatori i Bankës Qendrore Evropiane, Mario Draghi që deklaroi se BQE do të bëjë gjithçka që ka në dorë për të mbështetur euron.

Fjalimi i tij i dha një nxitje vetë monedhës së përbashkët dhe bursave europiane, që fituan menjëherë në kuotime gjatë ditës.

Pas garancive të guvernatorit, edhe kostoja e huamarrjes shënoi një rënie të konsiderueshme, me Spanjën që arriti të shiste bonot 10-vjeçare të thesarit me interes 7% gjatë ditës.

Një normë prej 7 për qind konsiderohet prej ekspertëve si ajo që ndan një interes të përballueshëm nga interesi spekulativ.

Deklarata mbështetëse ndihmoi gjithashtu për të rritur me 0.5% vlerën e euros në këmbimin me dollarin gjatë ditës. Në tregjet ndërkombëtare një euro u shkëmbye me 1.22 dollarë.

Top Channel