Polonia ka nisur gërmimet në një varrezë ushtarake në Varshavë, për të gjetur mbetjet trupore të viktimave të ekzekutuar dhe varrosur fshehurazi në kohën e komunizmit.
Njëri prej trupave që po kërkohen është ai i Witold Pileckit, një luftëtar i shquar kundër nazizmit, që infiltroi në kampin e përqendrimit të Aushvicit në vitin 1940, për t’i treguar aleatëve perëndimorë masakrat që po realizoheshin prej gjermanëve atje.
Gjenerali Emil Fieldorf, një prej figurave më të larta të ushtrisë polake, i ekzekutuar nga regjimi komunist, gjithashtu besohet se ndodhet i varrosur diku fshehurazi.
Së fundmi, Polonia ka ndërmarrë një nismë për të përkujtuar viktimat e brutalitetit të regjimit Stalinist, në vitet 1944-56.
Gërmimet në varrezën ushtarake “Powazki” po udhëhiqen nga Instituti Polak i Kujtesës Kombëtare dhe kërkimet do të vazhdojnë deri në fund të gushtit.
Sipas arkivave, mbi 284 persona u ekzekutuan dhe u varrosën në varre të fshehta në varrezën në fjalë nga ana e policisë sekrete.
Shumë prej viktimave ishin luftërarë të rezistencës, që ndonëse luftuan nazismin, u asgjesuan prej forcave sovjetike për shkak të bindjeve të tyre demokratike.
Top Channel
