Thaçi: Gati t’i bëj ballë betejës me Nikoliç

Duke iu kundërpërgjigjur deklaratave për luftë për Kosovën të bëra nga presidenti i Serbisë Tomislav Nikoliç, Thaçi tha se do të jetë sërish në ballë të betejës dhe i rekomandoi Nikoliç që të mos ëndërrojë për Kosovën por të merret me shtetin e tij.

“Mesazhet për luftë nga Nikoliç janë më të këqijat për paqen dhe stabilitetin në rajon. Por, ai është larguar si humbës në vitin 99, kur ishte anëtar i regjimit që masakroi Ballkanin dhe unë do t’i përgjigjem sërish, dhe ai do të largohet i turpëruar e si humbës në çdo aventurë të re me Kosovën. Duke humbur betejën me Kosovën, ai do të mund të mendojë për pashallëkun e Beogradit”, deklaroi Thaçi.

Përveç politikës së jashtme, kryeministri u ndal edhe në çështje të brendshme kur u pyet nga gazetarët për ndryshimin e mundshëm të koalicionit qeverisës.

“Ky ekip është një ekip pa politikë dhe qeverisja më e mirë në historinë e Kosovës. Prandaj do të vazhdohet me mirëqeverisje”, nënvizoi Thaçi.

E teksa mbushet një vit nga aksioni i 25 korrikut në veri, Thaçi e quajti këtë veprim si vendimtar, pasi vuri në lëvizje diplomacinë botërore për zgjidhjen e problemit në këtë pjesë të Kosovës.

Top Channel