Tabela e komunizmit në Shën Naum
20/07/2012 19:45
Arrestohen katër persona në Kosovë, dyshohen për mashtrim në vlerë prej mbi 1.5 milion eurosh 24/02 13:24
Në vendkalimin kufitar Shën Naum në Ohër mes Maqedonisë dhe Shqipërisë, ende qëndron tabela me mbishkrimin Republika Popullore e Shqipërisë.
Kjo ilustrohet me disa foto të bëra nga portali maqedonas “A1”. Edhe pse Shqipëria tanimë më tre vite me radhë është vend anëtare e NATO-s dhe për disa dekada nuk është Republikë Popullore, në këtë vendkalim kufitar duket se ka ndaluar koha, ndërsa ata që janë përgjegjës për vendosjen dhe ndryshimin e këtyre tabelave në Maqedoni sikur jetojnë në një kohë tjetër.
Shqipëria, është quajtur Republikë Popullore në kohën e Enver Hoxhës. Në anën tjetër të kufirit, në territorin shqiptar, në tabelën sinjalizues qëndron mbishkrimi Republika e Maqedonisë dhe jo Republika Socialiste e Maqedonisë, siç quhej vendi në në kohën e Ish-Jugosllavisë.
Nëse ky gabim është bërë nga pajkudesia ose jo, do të shihet nga reagimi i autoriteteve maqedonase, të cilëve u mbetet që ta zëvendësojnë tabelën me mbishkrimin Republika Popullore e Shqipërisë.
Top Channel
