Kosovë, sulmohet gazetari Halil Matoshi

Ngjarja ndodhi në Lagjen Dardania të Prishtinës. Vetë Matoshi deklaroi se është goditur me grushta dhe shkelma, ndërsa i shpëtoi goditjeve me thikë pasi u mbrojt me cantën e tij.

Matoshi tha se në mbrojtje i erdhën disa qytetarë, ndërsa tre personat që e sulmuan u larguan me një automjet.

Në ndjekje të tyre u vu edhe policia, por që nuk mundi t’i ndalojë.

Për këtë ngjarje reagoi menjehere Asociacioni i Gazetarëve Profesionistë të Kosovës, i cili e dënon ashpër këtë akt, duke e konsideruar si sulm ndaj fjalës së lirë dhe cënim të drejtpërdrejtë të jetës dhe punës së gazetarëve.

Po ashtu, Asosacioni i bën thirrje organeve të rendit që ta zbardhin rastin sa më shpejt dhe përgjegjësit të vihen para drejtësisë.
 

Top Channel