PE rrëzon marrëveshjen ACTA
04/07/2012 00:00
Jo vetëm burg, por edhe gjobë me një shumë të majme për Sean “Diddy”, gjykatësi: Kur të lirohet do të ketë… 03/10 23:05
Parlamenti Europian rrëzoi ligjin kundër piraterisë të propozuar nga një grup eurodeputetësh, pjesa më e madhe e të cilëve britanikë, duke e cilësuar atë si një “rrezik për lirinë e përdorimit të internetit”.
Marrëveshja e njohur si ACTA (Anti-Counterfeiting Trade Agreement), apo marrëveshja e tregtisë kundër falsifikimit dhe piraterisë, u rrëzua nga 478 deputëtë, 39 votuan pro saj dhe 165 të tjerë abstenuan.
Më herët, kundërshtarët e ligjit kërkuan që të mos hidhej për votim pasi ACTA ishte në proces hetimi nga Gjykata Europiane e Drejtësisë për përputhshmërinë me liritë themelore të njeriut.
22 vende të Bashkimit Europian kanë nënshkruar marrëveshjen ACTA, megjithatë në shumicën e këtyre vendeve, marrëveshja nuk është ratifikuar nga parlamentet përkatëse.
Jashtë Bashkimit Europian, ACTA gëzon mbështetjen e Shteteve të Bashkuara, Kanadasë, Japonisë, Zelandës së Re dhe Koresë së Jugut.
Top Channel
